БАКРДАН
Потребни состојки:
· 3 грста пченкарно брашно
· вода
· 2 лажици масло
· сол
· сирење со Знак за квалитет
· јогурт со Знак за квалитет
Начин на приготвување:
Зовријте вода во подлабок сад од 2 л,
може земјено грне, посолете ја и додајте 1-2 лажици
масло. Со дршка од лажица измерете колку вода имате,
па, според тоа, ставете толку грста пченкарно брашно
(три прста вода - три грста брашно).
Кога ќе зоврие водата, внимателно ставете го брашното
врз водата и на крај со дрвената дршка од лажицата направете
отвори на 2 - 3 места. Оставете го бакрданот да врие
подолго време на тивок огин. Кога водата ќе изврие наполу,
иставете го бакрданот од огинот, измешајте го добро
со дрвена лажица и попарете го со врело масло. Потоа
со лажица натопена во масло вадете од бакрданот и ставајте
во чинија. Одозгора посипете го со сирење. Служете го
со јогурт.
Испечати ја страницата
|