ПОГАЧА ОД ПЧЕНКАРНО БРАШНО НА КУМАНОВСКИ
НАЧИН
Потребни состојки:
· 1,5 кг пченкарно
брашно
· 200 г маст или масло
· 200 г сирење со Знак за квалитет
· 2 јајца
· малку квасец и сол
Начин на приготвување:
Ставете го брашното во сад, додајте го
растопениот квасец (може и без квасец) и замесето го
со млака вода и сол. Приготвената смеса треба да е густа
како каша за да се стави во садот во кој ќе се пече.
Во друг сад разматете ги јајцата, издробете го сирењето
и измешајте го со јајцата. Подмачкајте ја тавата со
доста маст, ставете еден дел од смесата и потпечете
го во рерна. Кога смесата ќе се потпече, извадете ја
тавата и попрскајте ја смесата со врела маст и со јајцата
и сирењето. Врз ова ставете го вториот дел од пченкарната
смеса и пак ставете да се потпече. Ова можете да го
повторувате 3 - 4 пати.
Кога ќе се испече последната кора, погачата исечете
ја на парчиња и прелејте ја со врела маст и со малку
вода.
Се служи топла со супа или со кисело млеко.
Испечати ја страницата
|