ПОЛНЕТО ПИЛЕ СО ПЕЧУРКИ (АЛА СЕРЕНАДА)
Потребни состојки:
· 1 пиле од 1,300 кг
· 200 г печурки (од конзерва)
· 1 филџан ориз
· 3 лажици трошки од една земичка
· 3 лажици павлака со Знак за квалитет
· 2 јајца
· 150 г маргарин
· 2 лажици Зачинал
· 1 лажиче црн пипер, 1 лажица магдонос и оригано.
Начин на приготвување:
Пилето се посолува , се посипува со Зачинал
и се остава да стои. За тоа време се подготвува филот.
Во сад се загреваат 50 г маргарин и кога е загреан на
него се пропржуваат исечканите печурки. При крајот на
пржењето се додава магдонос и се динстува околу 20 мин.
Потоа се додаваат оризот (претходно сварен), ориганото
, јајцата и малку се пропржуваат за да се згусне смесата.
На крајот се додаваат трошки и павлака. Со филот се
пополнува отворот на пилето и се шие со конец или се
зафаќа со игли за месо. Тавата се мачка со маргарин
и се ства пилето. Над него се става преостанатиот маргарин,
се покрива со фолија и се пече околу 1 час. За време
на печењето често се прелева со сокот кој го испуштило
пилето во печењето.
Печено се сервира со пире од компири и со салата.
Испечати ја страницата
|