СУПА СО СЛАНУТОК
Потребни состојки за супа:
· 250 г моркови
· 250 г компири
· 250 г праз
· целер
· 2 главици кромид
· дафинов лист
· една келераба
· лажица масло
· 300 г сварен слануток
· китка магдонос
· 1,5 литри супа од коцка
Потребни состојки за кнедли:
· 50 г путер
· сол
· 100 г гауда сирење со Знак за квалитет
· 2 јајца
· црн пипер
· 80 г брашно
Начин на приготвување:
Исчистениот кромид и зеленчук се сечкаат.
Кромидот кусо време се пропржува, се додава зеленчукот
и заедно се пржат додека добијат боја. Се прелеваат
со супа, се додава дафинов лист, се посолуваат, се додава
црн бибер и се варат 30 минути. Во меѓувреме се приготвуваат
кнедлите. Во 1/8 литри солена вода се додава путерот
и кога ќе зоврие се додава брашното и добро се меша
за да се добие тесто без грутчиња.
Се преместуваат во друг сад, се додава сирењето и едно
по едно јајцата, при што постојано се меша. Од приготвеното
тесто се земаат долгнавести форми со лажица и се варат
околу 5 - 8 минути. Кнедлите се додаваат во супата и
сi се посипува со ситно сечкан магдонос. Претходно сланутокот,
добро сварен, се додава во супата.
Совет: бидејќи сланутокот е како грав, добро
е од вечер да се покисне во вода, а да се вари следниот
ден.
Испечати ја страницата
|