На 1 Декември 2004 год, во
Барселона, Шпанија, АСАЕ ја одржа својата наградна
церемонија како дел од Саемот ЕИБТМ, каде што Претседателот
на Здружението Г-динот Љубомир Дренковски, ја прими
наградата на Здружението, како најдобро Здружение во
категоријата на Економски Достигнувања за 2003 год.
Со цел да се одбележи континуираниот успех, есента
2003 год., Ленд О'Лејкс го номинираше Здружението на
преработувачи на месни и млечни производи, на интернационалниот
натпревар “ Здруженијата го прават светот подобар”,
организиран од страна на АСАЕ ( Американска Асоцијација
на Асоцијации), за да се промовира позитивната улога
на Здруженијата. “Здружението на млеко и месо преработувачи
со своите програми и активности даде голем придонес
за општеството и за целокупната македонска економија.
Од самиото основање во 1998 год.,со поддршка на Ленд
О'Лејкс/УСАИД, Здружението се стремеше кон започнување
на позитивни трендови во Македонската месна и млечна
индустрија. Понекогаш, патот беше трнлив, но сега резултатите
се евидентни... Меѓународна независна организација,
ги увиде нашите напори. Нашата Програма Знак за Квалитет,
според ова тело, има најголемо позитивно значење во
засилувањето на сигурноста, трговската марка и конкурентноста
во млечната и месната индустрија во Македонија. Оваа
награда е најдобар показател дека ние сме во вистинската
насока и дека треба да продолжиме со нашата програма.”,
изјави Г-динот Љубомир Дренковски. |